មន្រ្តីសហព័ន្ធខ្មែរកម្ពុជាក្រោមនៅប្រទេសកម្ពុជា បានឲ្យដឹងនៅថ្ងៃទី ៣០ មិថុនានេះថាស កម្មជនតវ៉ារឿង​ដី​​ធ្លីម្នាក់ ដែលត្រូវ អាជ្ញា ធរយួនខេត្តឃ្លាំង​​ចាប់ខ្លួនកាលពីចុងខែ ឧសភា​កន្លងទៅថ្មី ៗ នេះ ក្រោយពី សកម្ម ជន​រូបនេះ និងក្រុមគ្រួសារ ធ្វើដំ ណើរទៅ សួរសុខ​ឪពុកម្តាយឯខេត្តក្រមួន-ស មិន ទាន់ ត្រូវបានគេដោះលែងឲ្យមានសេរី ភាព វិញទេ ។
ព្រះតេជគុណ ថាច់ វ៉ាំងប៊ិន មន្រ្តីសហព័ន្ធ ខ្មែរកម្ពុជា​ក្រោម បានឲ្យដឹងថាសកម្មជន ដែលត្រូវអាជ្ញាធរយួនព័ទ្ធចាប់ខ្លួននោះឈ្មោះ វិញ បា ភេទប្រុស អាយុ ៤៧ ឆ្នាំ ស្រុកកំ ណើតនៅខេត្តឃ្លាំង ទឹកដីកម្ពុជាក្រោម ។
ព្រះតេជគុណ ថាច់ វ៉ាំងប៊ិន បានឲ្យដឹង ទៀតថា លោក វិញ បា និងក្រុមគ្រួសារ ដែលមានភរិយា​ឈ្មោះអ្នកស្រី សឺន ធីគីមធូ បានធ្វើដំ​ណើរទៅ សួរសុខទុក្ខ ឪពុកម្តាយចាស់ជរា​នៅខេត្តក្រមួន-ស ឬយួនហៅគៀនយ៉ាង កាលពីថ្ងៃទី ៣០ ឧសភាកន្លងទៅថ្មី ៗ នេះ ។ នៅពេល ដែលលោក វិញ បា ទៅដល់ខេត្ត ក្រមួន -ស នាវេលាម៉ោង ១១ ល្ងាច ក្រុមប៉ូលិស យួនក្រោមការដឹកនាំរបស់បុគ្គលឈ្មោះ យឿង ថាញ់ហ៊ុង ធ្វើដំណើរទៅ ពីខេត្ត ឃ្លាំង បានចាប់ខ្លួនលោក វិញបានិងប្រពន្ធ ឈ្មោះ សឺន ធីគីមធូ ។ ប៉ុន្តែក្រោយមក ក្រុម អាជ្ញាធរយួនបានធ្វើការ ដោះលែង អ្នកស្រី សឺន ធីគីមធូ ចំណែកលោក វិញ បា ត្រូវគេច្រកពន្ធនាគាររហូតមកដល់​សព្វថ្ងៃនេះ ។មន្រ្តីសហព័ន្ធខ្មែរកម្ពុជា​ ក្រោម ដែលតាមដានហេតុ ការណ៍ខាង លើនេះបានឲ្យទៀតដឹងថា រដ្ឋាភិបាល កុម្មុយនិស្តយួននឹងដាក់គុកលោក វិញ បា រយៈពេល ៣ ខែ ដោយគេចោទប្រកាន់ ពី បទឆក់ឱកាសយកចំណេញ សិទ្ធិប្រជា ជន បំផ្តិចបំផ្លាញគោលនយោបាយបក្ស និងរដ្ឋ ។ទាក់ទឹននឹងការចាប់ ខ្លួន លោក វិញ បា ជនជាតដើមខ្មែរកម្ពុជាក្រោម កំណើត នៅខេត្តឃ្លាំងនេះដែរ លោក អាង ចន្ទ ឫទ្ធិ នាយប្រតិបត្តិអង្គការ ការពារសិទ្ធិ មនុស្សនៅកម្ពុជា បានមានប្រសាសន៍ថា ការចាប់ខ្លួនលោក វិញ បា គឺជាសកម្មភាព មិនគោរសិទ្ធិជនជាតិដើមខ្មែរកម្ពុជាក្រោម គឺសិទ្ធិតវ៉ាទាមទារដីធ្លីដែលជាកម្មសិទ្ធិរបស់ពួកគាត់ ។ ហើយសកម្មភាពនេះ មិនបានត្រឹមត្រូវ តាម សន្ធិសញ្ញាអន្តរជាតិ និងច្បាប់ យៀក ណាម ។ លោក អាង ចន្ទឬទ្ធិ មានប្រ សាសន៍ បន្តទៀតថា“ពួកគាត់ដែលក្រោក ឡើងទាម ទារដីស្រែកន្លងមក គឺដើម្បីឲ្យ អាជ្ញាធរវៀតណាមរកដំណោះស្រ័យនិងប្រ គល់ដីស្រែចំការជូនពួកវិញព្រោះថាដីស្រែទាំង អស់នោះជាកម្មសិទ្ធិរបស់ពួកគាត់ ។ ហើយការដកហូតដីស្រែចំការពួកគាត់បែបនេះ ក៏ជាមូលហេតុដែលនាំធ្វើឲ្យពួកគាត់គ្មានចំណីអាហារគ្រប់គ្រាន់ដើម្បីហូបចុក ក៏ដូចជាបំបិទនៅសិទ្ធិសេរីកាន់កាប់ដីធ្លីដែរ”។
លោក អាង ចន្ទឫទ្ធិ ដែលបានតាមដាន ឃ្លាំមើលស្ថានភាពសិទ្ធិមនុស្សនៅកម្ពុជាក្រោម និងកម្ពុជាយ៉ាងយកចិត្តទុកដក់បំផុតនោះមានប្រសាសន៍បន្ថែមថា ប្រទេសយៀក ណាម គួរតែដោះលែងស កម្ម ជនតវ៉ាដីធ្លី និងបញ្ឈប់ការរើសអើង​ក្នុង សង្គមយៀកណាម ។អ្វីដែលរដ្ឋាភិ បាល​យៀកណាមធ្វើនោះ គួរតែការពារ សុវត្ថិភាពពួកគាត់ និងផ្តល់សិទ្ធិសេរីភាព ឲ្យពួកគាត់ ។
សូមរំលឹកជូនថា លោក វិញ បា និងប្រជាពលរដ្ឋមួយចំនួនផ្សេងទៀតនៅខេត្តឃ្លាំង តែងប្រមូលផ្តុំគ្នាតវ៉ារឿងដីធ្លីជាញឹកញាប់ ក្នុងគោលបំណងជំរុញឲ្យអាជ្ញាធរ នៃរដ្ឋអំណាចយួនប្រគល់ដីធ្លី ដែលបានរឹបអូសយកជូនទៅប្រជាកសិករខ្មែរក្រោមវិញ ។ ជំនួសនឹងការតវ៉ាឲ្យសងដីធ្លីកសិកម្មនោះ រដ្ឋាភិបាលយួនតែងចោទប្រកាន់រូបលោកថា ជាមេក្លោងដឹកនាំក្រុមអ្នកតវ៉ា ដែលធ្វើឲ្យខូចសណ្តាប់ធ្នាប់សង្គម និងឆ្លៀតយកសិទ្ធិពលរដ្ឋ បះបោរប្រឆាំងនឹងគោលនយោ-បាយបក្ស ៕

សួស្ដី មិត្ត ទាំង អស់

ខ្ញុំមានចម្ងល់មួយ ថា ដីកម្ពុជាក្រោមដែល​ជាអតីតដីខ្មែរនោះត្រូវបាត់បង់ បន្តិចម្ដងៗ ជាច្រើនសតវត្សរ៍មកនោះ គឺតាំងពីរាជ្យ​ព្រះ​​បាទជ៍​យជេដ្ឋាទី ២ នៅសតវត្សរ៍ទី ១៧ ម្លេះ គឺយួនកាន់កាប់ បន្តិច ម្ដងៗ ជាយូរ​យាមកហើយ ចំណែក ឯ កោះត្រល់ ក៏ យួនយកទៅកាន់កាប់ ជាយូរមកហើយ ។

ក្នុងរវាងឆ្នាំ ១៨៤០ សៀម និង យួន បាន​ហែកស្រុកខ្មែរជាពីរ ចែកគ្នា ស្រុកខ្មែរ​បាត់​បង់ ឯករាជ្យ មិនត្រឹមតែកម្ពុជាក្រោម​ទេ​ដែល​ត្រូវបាត់បង់ គឺកម្ពុជាសព្វថ្ងៃ ក៏ ត្រូវ​ពួក​ស្រុក ជិតខាងយើង យកទៅ កាន់កាប់​ដែរ ។ យ៉ាងនេះហើយទើប ព្រះបាទ​អង្គ​ឧួងសរសេរសំបុត្រទៅរាជាធិរាជNapoléon III ឲ្យ មកការពារខ្មែរ តែអង្គឧួង ក៏ សុគត​ទៅនៅឆ្នាំ ១៨៦០ ទើបបុត្រព្រះអង្គ គឺ ព្រះបាទនរោត្តម ក៏បានព្រម ព្រៀងចុះ​ហត្ថ​លេខាយល់ព្រមឲ្យ បារាំងមកធ្វើជា​អា​ណា​ព្យាបាល នៅថ្ងៃ ទី ១១ សីហា ១៨៦៣ ។

ពេលបារាំងមកត្រួតយើងនោះ ទឹកដីកម្ពុជាក្រោម និងកោះត្រល់ ត្រូវយួន​កាន់កាប់ រួចទៅហើយ កាល នោះដូនតា​យើង សុខចិត្តឲ្យបារាំងត្រួតយើង ជាជាង​ឲ្យ សៀម និង យួន ត្រួតយើង ។ ខ្ញុំមិន​យល់​ទេ ដោយចោទថាបារាំង យកដីកម្ពុ​ជា​ក្រោមទៅ ឲ្យយួននៅឆ្នាំ ១៩៤៩ នោះ​ព្រោះ​ថាយួន យកទៅកាន់ កាប់មុនបារាំង​មក​ដល់ឥណ្ឧូចិន រាប់សឹប រាប់រយឆ្នាំ​ទៅហើយ ។

ពឹតមែនហើយថា គួរឲ្យស្ដាយស្រណោះ ទឹកដីកម្ពុជាក្រោមណាស់ ប៉ុន្តែឲ្យតែយើង ចេះថែរក្សា ព្រំដែន សព្វថ្ងៃនេះឲ្យ​បានគង់​វង្សទៅ ល្អណាស់ទៅហើយ តើយើង ចង់ទាមទារដីកម្ពុជាក្រោម មកវិញ ឬ យ៉ាង ណា? កុំភ្លេចថា ប៉ុល ពត ទាម​ទារ​យក ដីកម្ពុជាក្រោមមកវិញ ទើប​នាំទ៍ព​ទៅ​វាយប្រហារស្រុកយួន ដែលយួនបាន​លេស ចូលមកវាយប្រហារ កាន់កាប់​ស្រុកខ្មែរអស់រយៈពេល ១០ ឆ្នាំ ។ តើ​យើង​ចង់ ធ្វើសង្គ្រាមទៀត ឬ ? យើង​ចង់ឲ្យគេ មកកាន់កាប់​ស្រុកយើងម្ដង​ទៀត​ ឬ ?

ខ្ញុំយល់ហើយ ចំពោះចិត្ត គំនិត ស្នេហា​ជាតិ របស់បងប្អូនយើង ប៉ុន្តែគួរយើងខំ​កសាងជាតិ រក្សាបូរណ ភាពទឹកដី បច្ចុប្បន្ន​នេះ ឲ្យបានគង់វង្សនោះ ជាជា​ការប្រសើរណាស់ទៅហើយ។ ជនជាតិ​ខ្មែរ​​យើង បាន បង្ហូរឈាមអស់​ច្រើន​ណាស់​​​ទៅហើយ គួរធ្វើយ៉ាងណាឲ្យ​ចៀស​​វៀង សង្គ្រាមទៀត នេះគឺគ្រាន់​តែ​ជាមតិ ដ៏ ស្ដួចស្ដើង​របស់ខ្ញុំតែប៉ុណ្ណោះ ។

ដោយមិត្តភាព និង ភាតរភាព

អាជ្ញាធរ​វៀតណាម​បន្ត​ឃុំ​ខ្មែរ​ក្រោម​ម្នាក់​ពាក់ព័ន្ធ​នឹង​បញ្ហា​ទំនាស់​ដី​ធ្លី
ដោយ សុខ សេរី
2009-06-04

ប្រជាពលរដ្ឋ​ខែ្មរ​កម្ពុជា​ក្រោម​ម្នាក់​រស់នៅ​ស្រុក​អណ្តូងទឹក ខេត្ត​ឃ្លាំង ដែល​ត្រូវ​បាន​នគរបាល​វៀតណាម​ចំនួន​១០​នាក់​ចាប់​ខ្លួន​កាលពី​ចុង​ខែ​ឧសភា​កន្លង​ទៅ​នេះ​ទាក់ទង​នឹង​រឿង​ទំនាស់​ដី​ធ្លី​នោះ​គឺ​មិន​ទាន់​បាន​ដោះលែង​ឲ្យ​មាន​សេរីភាព​វិញ​នៅ​ទ្បើយ​ទេ​រហូត​មក​ដល់​ពេល​នេះ។

ព្រះភិក្ខុ​សង្ឃ​ខែ្មរ​កម្ពុជា​ក្រោម ព្រះ​នាម ថាច់ វិមាន ព្រះជន្មាយុ​៤៣​ឆ្នាំ និង​ជា​សមាជិក​សហព័ន្ធ​ខែ្មរ​កម្ពុជា​ក្រោម​ប្រចាំ​នៅ​ក្នុង​ប្រទេស​កម្ពុជា​ដែល​បាន​តាមដាន​រឿង​នេះ​បាន​មាន​ពុទ្ធដីកា​ថា ៖ «ឃើញ​ថា​នេះ​​​​​ គឺ​ជា​ការរំលោភ​សិទ្ធិ​ធ្ងន់ធ្ងរ​ជា​ទីបំផុត ហើយ​បើ​សិន​ណា​មាន​ការដោះស្រាយ​ឬ​មិន​មាន​ការដោះស្រា យ​ក៏​ត្រូវតែ​ឆ្លើយតប​នូវ​ការស្នើសុំ ការតវ៉ា​របស់​ប្រជាពលរដ្ឋ​ខ្មែរ​ក្រោម​ដែល​ជា​ម្ចាស់​ទឹក​ដី ហើយ​ជា​ជន ជាតិ​ដើម​ហ្នឹង​ផងដែរ មិន​មែន​ថា​យក​អាជ្ញា​យក​ទៅ​គាប​សង្កត់​ហើយ​ដើម្បី​សម្លុត​បំភ័យខុស​ទៅ​នឹង​ច្បាប់​រដ្ឋ​ធម្មនុញ្ញ​របស់​ប្រទេស​វៀតណាម​បាន​ចែង​ហ្នឹង​ទេ»។

ភរិយា​របស់​លោក វិន បា ដែល​រង​ការចាប់​ខ្លួន​ដោយ​នគរបាល​វៀតណាម សុំ​មិន​ប្រាប់​ឈ្មោះ​បាន​ថែ្លង​ប្រាប់​វិទ្យុ​អាស៊ីសេរី​តាម​ទូរស័ព្ទ​តាម​សំនៀង​ដូច្នេះ​ថា ៖ «ប្ដី​ខ្ញុំ វិន បា កំពុង​ជាប់​គុក ខ្ញុំ​ខ្លាច​ហើយ ខ្ញុំ​មិន​ហ៊ាន​និយាយ​ទេ ខ្ញុំ​ទៅ​ស្រុក​ហើយ។ ខ្ញុំ​សុំ​ឲ្យ​មេឃ​ដី​ជួយ​ប្ដី​ខ្ញុំ​ផង សុំ​កុំ​សួរ​ខ្ញុំ​ទៀត​ខ្ញុំ​មិន​ហ៊ាន​និយាយ​ទេ ខ្ញុំ​ខ្លាច​ណាស់​លោក​អើយ!»។
ព្រះភិក្ខុ ថាច់ វិមាន ក៏​បាន​មាន​ពុទ្ធដីកា​បញ្ជាក់​បន្ត​ទៀត​ថា ក្រុម​គ្រួសារ​ខែ្មរ​កម្ពុជា​ក្រោម​ដទៃ​ទៀត​នៅ​ខេត្ត​នានា​លើ​ទឹក​ដី​ខែ្មរ​កម្ពុជា​ក្រោម​នោះ​កំពុង​តែ​មាន​ការភ័យ​ខ្លាច។

ផ្អែក​តាម​ប្រភព​ពី​ក្រុម​អ្នក​តាមដាន​និង​ឃ្លាំមើល​ស្ថានការណ៍​រស់នៅ​របស់​ខែ្មរ​កម្ពុជា​ក្រោម​បាន​ឲ្យ​ដឹង​ថា លោក វិន បា អាយុ​៤៧​ឆ្នាំ ជា​កសិករ​ខ្មែរ​កម្ពុជា​ក្រោម និង​ធ្លាប់​បាន​ចូលរួម​នៅ​ក្នុង​ការតវ៉ា​ទាមទារ​ដី​ធ្លី​កាលពី​ឆ្នាំ​២០០០​កន្លង​រៀង​មក ត្រូវ​បាន​នគរបាល​វៀតណាម​ចំនួន​១០​នាក់​បាន​ចាប់​ខ្លួន​កាលពី​ថៃ្ង​ទី​៣០ ខែ​ឧសភា​កន្លង​ទៅ​នេះ ដោយសារ​តែ​លោក​ធ្លាប់​បាន​ចូលរួម​ក្នុង​ការទាមទារ​ដី​ធ្លី​ជា​ច្រើន​រយ​ហិកតារ សម្រាប់​គ្រួសារ​ខែ្មរ​កម្ពុជា​ក្រោម​ជា​ច្រើន​រយ​គ្រួសារ​ ដែល​រង​ការបាត់បង់​ដី​ធ្លី​កាលពី​ឆ្នាំ​១៩៧៩​មក​ម៉្លេះ នៅ​គ្រា​ដែល​មាន​ការវាយ​ប្រយុទ្ធ​គ្នា​រវាង​កងទ័ព​វៀតណាម​និង​កងទ័ព​ខែ្មរ​ក្រហម​បាន​ធ្វើ​ឲ្យ​រដ្ឋាភិបាល​វៀតណាម​រឹប​យក​ដី​ធ្លី​នោះ​នៅ​គ្រា​ដែល​ពួក​គាត់​រត់​គេច​ពី​ការវាយ​ប្រយុទ្ធ​គ្នា​នោះ។

គេ​កត់​សម្គាល់​ឃើញ​ថា ការចាប់​ខ្លួន លោក វិន បា ជា​ខែ្មរ​កម្ពុជា​ក្រោម កាលពី​ថៃ្ង​ទី​៣០ ខែ​ឧសភា​កន្លង​ទៅ​នេះ បាន​ធ្វើ​ទ្បើង​នៅ​មុន​ពេល​ដែល​សហព័ន្ធ​ខែ្មរ​កម្ពុជា​ក្រោម​ពិភពលោក​កំពុង​តែ​រៀប ចំ​ការតវ៉ា​ដោយ ​សន្តិវិធី​ដោយ​ខែ្មរ​កម្ពុជា​ក្រោម​នានា​នៅ​ក្នុង​ប្រទេស​បារាំង សហរដ្ឋ​អាមេរិក កាណាដា និង​អូស្រ្តាលី ព្រមទាំង​ប្រទេស​កម្ពុជា​ផង ដើម្បី​រំឭក​ខួប​៦០​ឆ្នាំ​នៃ​ការបាត់បង់​ទឹក​ដី​ខែ្មរ​កម្ពុជា​ក្រោម​កាលពី​ថៃ្ង​ទី​៤ ខែ​មិថុនា ឆ្នាំ​១៩៤៩ ដោយសារ​តែ​អាណានិគម​បារាំង​បាន​កាត់​ទឹក​ដី​ខែ្មរ​កម្ពុជា​ក្រោម​ឲ្យ​ទៅ​វៀតណាម​កាន់កាប់​ដោយ​គ្មាន​ការយល់ព្រម​ពី​ខ្មែរ​ឡើយ៕