2010-12-05T04:31:00.000-08:00

វិចារណកថា នៃវិទ្យុសំឡេងកម្ពុជាក្រោម តើនរណា ទើបអាចតំណាង ឱ្យខ្មែរក្រោមបាន?

; ចុះផ្សាយទី 30 Nov 2010

ជនភៀសខ្លួនខ្មែរក្រោម មួយគ្រួសារ មាន សមាជិក ៥នាក់ ក្នុងនោះមានប្តីប្រពន្ធ និង កូនស្រី ៣នាក់ ដែលបានសុំសិទ្ធិជ្រកកោន ពីឧត្តមស្នងការអង្គការសហប្រជាជាតិ ទទួល បន្ទុកជនភៀសខ្លួន (UNHCR) នៅទីក្រុង បឹងកក់នៃប្រទេសថៃ ត្រូវបានអង្គការសហ ប្រជាជាតិ ទទួលបន្ទុកជនភៀសខ្លួន មួយនេះ ធ្វើការបញ្ជូនទៅតាំងទីលំនៅៗ ប្រទេសទី ៤ ក្នុងនាមជាជនភៀសខ្លួននយោបាយ។ គ្រួសារ ជនភៀសខ្លួននេះ នឹងត្រូវបញ្ជូនទៅតាំងទី លំនៅៗ ប្រទេសដាណាម៉ាក ក្នុងទ្វីបអ៊ឺរ៉ុប។ ក្នុងគ្រួសារ មានលោក សឺង ភៀង ជាមេ គ្រួសារ កើតឆ្នាំ ១៩៧៥ មានដើមកំណើត នៅឃុំបួនព្រះភ័ក្រ្ត (Phu Tan) ស្រុកពងទឹក (My Tu) ខេត្តឃ្លាំង ទឹកដីកម្ពុជាក្រោម។

ចុចស្តាប់ជាសំឡេង

Texte alternatif

ដោយរៀងរាល់ពេល ដែលខ្មែរក្រោមនៅក្រៅប្រទេសយួនមានមុខធ្វើការតវ៉ានានា អំពីអំពើរំលោភជិះជាន់ សិទ្ធសេរីភាពសព្វបែបយ៉ាងពីសំណាក់រដ្ឋាភិបាលយួន ទៅលើជនជាតិខ្មែរក្រោម នៅលើទឹកដីកម្ពុជាក្រោម ដែលយួនកំពុងត្រួតត្រាសព្វថ្ងៃ ពួកតំណាងយួនក្នុងសន្និសិទ្ធនានាតែងឆ្លើយ ប្រកែក ថាពួកយើងមិនតំណាង ឱ្យខ្មែរក្រោមក្នុងស្រុកទេ។ នាពេលនេះ វិទ្យុសម្លេងខ្មែរកម្ពុជាក្រោម សូមតាំងជាសំនួរមួយជាឱឡារិក ចំពោះ រដ្ឋាភិបាលយួនថា តើលោកសឺងភៀង ប្រពន្ធ និងកូនរបស់លោក ពេលបានមកស្នាក់ នៅប្រទេសក្រៅ ពីសំណាញ់ជិះជាន់របស់យួន ហើយធ្វើការតវ៉ាលើឆាក អន្តរជាតិអំពីឧក្រិដកម្មនានារបស់យួន តើក្រុមគ្រួសារ នេះ មិនអាចជាតំណាងឱ្យសម្លេងជនរងគ្រោះ ខ្មែរក្រោមទៀតឬយ៉ាងណា?

ប្រសិនបើយួនឆ្លើយថា មិនអាច ឬមិនមែនជាតំណាងសម្លេងឱ្យជនខ្មែរក្រោមរងគ្រោះ បានន័យថា ទាល់តែ ខ្មែរក្រោមនោះ ឈរជាន់លើដីកម្ពុជាក្រោម ទើបស្រែកតវ៉ាបាន។ ដូច្នេះ សំនួរជាបន្ទាប់ សួរថា តើរដ្ឋអំណាច យួន ដែលទទួលការតវ៉ាឯណានិមួយរបស់ខ្មែរក្រោម យកទៅដោះស្រាយ ក្រៅពីធ្វើ ការគម្រាមកំហែង ចងចាប់ដាក់គុកច្រវាក់? នៅក្នុងទឹកដីខ្មែរខ្មែរក្រោម យួនបំបិទភ្នែកបំបិទត្រចៀក តាំងពីការរៀនអក្សរខ្មែរ រហូតដល់ការស្តាប់វិទ្យុ មើលទូរទស្សន៍ តាមដានការប្រើទូរសព្ទ នោះមិនបានន័យថា យួនកំពុងចាប់ ឃុំឃាំងខ្មែរក្រោមទាំងជាងប្រាំបីលាននាក់ដាក់ក្នុងគុកងងិតឥតជញ្ជាំង បំបាំងភ្នែកសកលលោកទេ ឬអ្វី? យើងជាខ្មែរក្រោមបានដឹងច្បាស់ណាស់ ថាយួនកំពុងប្តូរនយោបាយក្តៅត្រជាក់តាមសភាព-ការណ៍។ យួនដឹងថា ការរំលោភដោយហឹង្សា តែងបានទទួលមកវិញជាការក្រោកតស៊ូប្តូរជីវិត ពីសំណាក់ខ្មែរក្រោម យួនកំពុងកែប្រែ ប្រើនយោបាយត្រជាក់ដោយកន្លែង ក្តៅដោយកន្លែង ដោយមិនភ្លេចអនុវត្តល្បិចចាស់ដែលធ្លាប់ទទួលផលល្អ គឺទាក់យកពួកខ្មែរក្រោមដែលវង្វេងជាតិកំណើត ដូចជាឈ្មោះ សឺង សុងសឺង ជាដើម យកទៅផ្សាំងប្រើ ឱ្យបែរមកខាំជនរួមឈាមរបស់ខ្លួនវិញ។ ប៉ុន្តែក្នុង ចំណោមខ្មែរក្រោម មនុស្សវង្វេងជាតិកំណើតរបៀបនេះ មានតិចតួចណាស់ បើប្រៀបទៅចំនួនខ្មែរមាន ទឹកចិ្តស្នេហាជាតិយ៉ាងប្តូរផ្តាច់ ជាពិសេស ដូចជាលោក សឺង ភៀង និងក្រុមគ្រួសារលោក ដែលទើបរត់រួចពីមាត់ខ្លាយួន ហើយប្រាកដជា នឹងមានអ្នកក្រោយៗច្រើនទៀត។ ហើយសហព័ន្ធខ្មែរ កម្ពុជាក្រោមដែលកើតឡើង ក៏គឺដោយជនដែលរត់រួចពីចង្កូមមច្ចុរាជយួនផង និងអ្នកដែល កំពុងតស៊ូមតិ នៅក្នុងស្រុកផង។
សូមរដ្ឋអំណាចយួនស្តាប់ឱ្យច្បាស់ នេះហើយជាចម្លើយ ចំពោះការឆ្លើយដោះសាររបស់យួន ដែលថា ពួកយើង នេះ មិនមែនតំណាងឱ្យជនជាតិខ្មែរក្រោម នៅលើទឹកដីកម្ពុជាក្រោមទេនោះ។ ដោយ៖ សឺង សម្រេច

2010-09-12T03:41:00.000-07:00

ពលរដ្ឋខ្មែរកម្ពុជាក្រោមជាង២០នាក់នៅខេត្ដតាយនិញប្រទេសវៀតណាមរងការវាយប្រហារពីពលរដ្ឋវៀតណាម២០០នាក់

អ្នកបញ្ចូល៖ vokk; ចុះផ្សាយទី 09 Sep 2010; ក្រោមប្រធានបទ : ព័ត៌មាន

មានរបាយការណ៍ថ្មីមួយមកថា ពលរដ្ឋខ្មែរ ក្រោមជាង ២០នាក់ នៅប្រទេសវៀតណាម បានរងការវាយប្រហារ នៅក្នុងពេលបុណ្យ ឯករាជជាតិវៀតណាម កាលពីថ្ងៃទី ២ខែ ក ញ្ញា កន្លងទៅនេះ។ បើតាមការណ៍ឲ្យដឹង ពីស ហព័ន្ធខ្មែរកម្ពុជាក្រោម បានឲ្យដឹងថា ខ្មែរក្រោមម្នាក់បានស្លាប់ និង២នាក់ទៀត កំ ពុង ព្យាបាល នៅមន្ទីរពេទ្យ ហើយច្រើន នាក់ទៀត បានរងរបួស និងកំពុងលាក់ខ្លួន។ ព្រឹត្ដិការណ៍នេះ បានកើតឡើងនៅក្នុងខេត្ដតាយនិញ ភាគខាងត្បូងប្រទេសវៀតណាម បច្ចុប្បន្ន។ ទឹកដីខ្មែរកម្ពុជាក្រោមដ៏ធំធេង ដែលឥឡូវជាប្រទេសវៀតណាមខាងត្បូងបានធ្លាក់ទៅដៃវៀតណាម អស់ពេលរាប់សិបឆ្នាំមិនយូរប៉ុន្មាននោះឡើយ ក្រោយពីបារាំងបានដកអាណានិគមនិយមរបស់ខ្លួនចេញពីតំបន់ឥណ្ឌូចិន ឬហៅថា ដែនដីកូសាំងស៊ីន។

ឥឡូវខ្មែរជាច្រើនពាន់ ច្រើនម៉ឺននាក់ដែលជាម្ចាស់ទឹកដី បានរស់នៅក្នុងប្រទេសវៀតណាមជាលក្ខណៈ ជនជាតិភាគតិចរបស់វៀតណាមទៅវិញ។
លោក ថាច់ ង៉ុកថាច់ ប្រធានសហព័ន្ធខ្មែរកម្ពុជាក្រោមមានមូលដ្ឋាន នៅអាម៉េរិកបានផ្ដល់ បទសម្ភាសន៍ តាមទូរស័ព្ទឲ្យវិទ្យុអូស្រ្ដាលីក្រុងមែលប៊ិនដឹងថា បុរសខ្មែរក្រោមម្នាក់ឈ្មោះ ចៅ ណែត បានរងការកាប់សម្លាប់រហូតដល់ស្លាប់ នៅក្នុងការវាយប្រហារមួយពីសំណាក់ ពលរដ្ឋវៀតណាម មួយក្រុមមានគ្នា២០០នាក់។

តើរឿងរ៉ាវនេះយ៉ាងណា?លោក ថាច់ ង៉ុកថាច់ ផ្ដល់ការពន្យល់។

welcome to websize khmerkrom

វិចារណកថា នៃវិទ្យុសំឡេងកម្ពុជាក្រោម តើនរណា ទើបអាចតំណាង ឱ្យខ្មែរក្រោមបាន?